| 西人JM's profileJM : the Juicy ManPhotosBlogLists |  Tools  Help |
JM : the Juicy Mana Westian Crop.(R) production since MMVI |
|||||||||||||
There are no categories in use.
|
April 18 fuck itThis is politics.
suddently i realize that i have a blog. i used to write things here every day,
i'll always think of it when i feel sad.
fuck it, ridiculous.
scapegoat, i am.
And i know. This is politics.
So fuck it.
Last word: vengeance. December 04 每月一字一個月先寫一次，你都得架啦…
陳太終於做底葉西，幫反民見賤聯人士出番啖氣…
個人對陳太有些看法，佢並唔係想像之中咁好，但係見到葉西就真係見佢前面憎佢後面，正一仆街…
非常同意黃主席的一番話，唔係鍾意陳太先投佢，而係唔鍾意葉西，而陳太係唯一可以打底呢個八婆的人，所以唔好唸咁多，一於小爆個西婆﹗
23條，人sale 佢sale，sale到佢咁賤，個副咀臉，睇到你真係想掟爛部電視。你有冇見過有個sale同你sale嘢，然後話﹕「我唔會答你呢個問題…」﹖
有些人仲可以說她是真小人，值得支持， 但係佢之後道歉噃，幾時先至真呀小你，小人就做硬架啦佢，但係就肯定唔係真囉…
仲有，個十幾萬人，陳太話多謝你哋唔支持佢，但我唔係政棍，唔會同你客氣，我覺得你哋冇腦架，事非不分，食左幾多餐海鮮餐呀﹖食屎啦而家﹗
唔講啦…費事訓唔着。
jm
November 04 First FUCKING day in the FUCKING Barcelona...First FUCKING day in the FUCKING Barcelona...
來到西班牙第二大城市巴塞隆拿，包括心情和健康等一切到很好，也食了不少好嘢，直至返回民宿那一條路上，才被人偷了3000幾蚊港幣…真係有點老貓燒毛毛的感覺…去成四十幾日流浪都冇事，呢次去第一日就領嘢…但願不要再發生，我沒有很多個3000千幾蚊可以畀人偷…各位兄弟姊妹們，看來今次帶回來的手信要大縮水了，想起來也很抱歉…
第一日的圖片巳上載到圖片集了，請欣賞~~
FUCKING BARECLONA......
JM October 28 When Ctristy meets MUFCWhen Ctristy meets MUFC....
當鍾麗緹遇上曼聯……
從來沒有想過，曼聯的球票會寄到家裏來，還壓在Christy上面﹗
11月10日，奧脫福，下午三時，布力般。
英超﹗想了又想，等了又等的歐洲睇波團，終於成行﹗
那個接線生明明話唔會寄來，要在開賽日到球場自取，仲提我早點去球場服務中心排隊攞飛。厡來老外辦事同唐人一樣，都係咁烏SIR SIR 。
11月3 日凌晨出發，先到西班牙的巴塞羅拿，在偉大的魯營球場，看兩場巴塞，分別是西甲對皇家畢迪斯和歐聯對格拉斯歌流浪，然後再到奧脫福，睇曼聯主場對布力般流浪。
聞說曼聯球迷太多，奧脫福門券一票難球，但其實不然，只要你肯付出一千港元﹙包括30英鎊入會年費及33英鎊波飛﹚，就可以入場。我英文屎，但也是講了十五分鐘長途電話就買得到波飛。
最重要是睇準心儀賽事門券的開售時間，只要在開售首日購票，問題應該不大。門票是記名的，理論上要對名入場，但如果入場唔使對名，咁下次幫人買飛就唔使再入會，亦可慳唔少。
期待﹗
JM October 17 病…想你病了兩個禮拜。
當然又是可惡的感冒，先是喉嚨痛，然後是鼻塞、流鼻水，頭痛、多啖。基本上每一次中招都是這樣，但是次就勁好多，喉嚨痛時喉嚨好似被火灼一樣，到現在為止鼻水倒流情況仍然勁嚴重，契姐話我成個喉嚨同鼻腔都畀黏液黏住，今日再睇佢畀了些抗敏感藥，話會勁眼瞓，而家剛吃完。衷心希望啲藥有效，我唔想再咳醒啦。
晚上看了楊千樺演唱會。聽了很多歌，突然發作，好想找個女朋友關心自己。又嚟料。聽到F小姐又好似話唔返嚟，成個人down哂。F小姐，見字速與本人聯絡啦。
通常病了才會想找個怑，這本身才是真正的病。
阿們。
JM September 29 飛砂風中轉終如回來…
各位兄弟姊妹，一齊嚟唱番兩板先﹕
人在風暴中~無奈的打算﹗
如像風砂~倦也須兜轉﹗ 無奈的疾衝~無奈的刁轉﹗ 曾熟的面孔~漸缺少溫暖 嘿喲，哼嘿喲﹗ 飛砂風中轉… 風吹我不打轉… 離開一年兩個月零23日，呼吸了426日自由空氣，突然返回監獄，心情只是一般。實在太忙了，根本沒有時間想太多。突然多了1個身份，一時間無法子適應，也時時忘記自己的身份，原來真係會有人當你係老細，原來真係會有人睇你頭做嘢，原來你有權叫人係出面收工，原來你可以叫人幫你做嘢，原來成組人冇故仔交會唯你事問，原來你個account多了很多權限，原來send fax已經唔駛再搵人簽名，原來我要改人地啲稿，原來我仍不斷錯寫字，，原來會有人話你升level同日理萬機，原來仲有好多「原來」等待我去發現…
點算﹖
究竟我有沒有揀錯﹖而家我已經唔再想這個問題，不如努力點，希望可以站穩陣腳啦。除了升職之外，我實在想不到另一個離開自由的理由。在自由地區400幾日， 自己認為最大的成就是學會了倉頡輸入法，而且速度已經去到可以寫稿的階段，出錯機會率亦減低了不少。另一個成就是識到一班很好的同事，他們在這段時期給我最好的指導。﹙係咪好狗﹖﹚
當大家知道我這個決定時，第一時間問的問題是﹕「係咪自願﹖」原來監獄的形象已經深入民心。我自己都不知點回答…因為你只能答「係」同「唔係」，但事實上這個世界又點會有咁簡單的答案…總之一句﹕「格仔強，我對你唔住﹗」
今個月係普天同慶的日子，因為大家都有好日子過，在這裏祝各位「無強節」快樂，生活愉快﹗
JM August 11 香港人 PART 1寫BLOG的人通常都有一個通病，就是寫來寫去都是寫些不開心的事，也許因為不開心才會寫blog，希望和朋友分享，希望朋友聆聽自己，其實這樣也可以說是強迫症的一種，一是強迫別人去了解自己，二是強迫自己去同人訴苦。
近排睇報紙、睇電視、聽收音機，常常睇、聽到一些關於香港人的描述，有些覺得幾得意，於是就攞咗嚟用。
描述一﹕香港人食飯無卡位坐會死架
經常係茶餐廳聽到人客問「有冇卡位﹖」「冇卡位嗱」「有卡位轉畀我」等等，有一次間嘢full哂，有條肥西竟然仲問落單阿姐「點解冇卡位」…點解冇﹖因為冇囉﹗所以話香港人冇卡位坐真係會死的，如果有人中央話要禁止香港人食飯坐卡位，肯定唔止50萬人上街﹗
描述二﹕香港人鍾意迫/被分流
每年七、八月的香港書展、動漫節，都是最佳見證。查實香港有幾多人鍾意看書，實在是很難說，但肯定數量唔會好多，但點解年年書展都有十九幾萬人去，仲年年破紀錄﹖因為香港人鍾意排隊﹗明明人多到行都行唔到，係都要去，入去打哂蛇餅，被人分流都是心甘情願。平時得閒冇嘢做，咪去排演唱會飛、排環保袋咁當熱身，為了一年一度的書展而裝備好自己，好似行山客平日死行爛行，就係為咗行完一年一度的「毅行者」咁囉。
講住咁多先，待續……
JM August 03 ３件小事去做街訪，主題唔係重點，但被訪者一句說話，甚有同感。「而家乜嘢都係政府話哂事，根本唔會聽市民意見，一意孤行…」那個肥佬說時一流露出一副很無奈的表情，看得出他是從心底裏說出來的真心話。這個街訪令人回味。
皇后碼頭，看來真的要走了，周二的司法覆核恐怕只是另場戲而已。對於皇后，沒有太大的感情，大概是九龍人的關係吧。香港人是抵死的，爭取０７０８普選無人上街，對於民主又不關心，只願做旁觀者，結果是行政主導囉，政府玩哂囉，民建聯投票時玩失蹤囉，中環歷史建築拆完一件又一件囉。跟着下來不知要拆些甚麼呢﹖大會堂﹖立法會大樓﹖和平紀念碑﹖還是我們的言論自由、結社自由﹖
可幸新一代的香港人之中，竟然還有三個白痴大學生，為了一個「不可能的任務」，絶食超過１００小時，畀人抬走了，還有能耐走回頭去，和一班示威者一起不離不棄，唔理他們的觀點如何，最算是「有團火」。特首話要下放權力給區議會，讓政治人才接班，其實新一代政治人要的並不是只政治技考，良心、理想更重要，但這恐怕也是中央最不想香港人有的東西。
內部認購，說穿了完完全全是走後門的事情，我也走了，一口氣「認購」了１２張張學友演唱會飛，點知臨門一腳「撻Ｑ」，接到通佑知１２張飛全部泡湯，唔知點去同各方好友交代。這就是走後門的了。好彩好友又幫我班到兩張飛，一時間又唔知揾邊個陪我去看……最後會不會只有一個人去看﹖
JM July 08 懶‧爛唱歌。
近排去多了卡拉ok，唱多了歌，發現自己的聲音大不如前。高音唱不到，假音也不夠氣，好似就死咁。難得仲有人話唱得好聽。非常感謝。自己知自己事，入到k房內可以揀的歌實在不多，最喜歡唱《心如刀割》，因為不用唱太高音，不用再偒聲帶。自己最喜愛的《李香蘭》就不是經常可以唱到，因為不想將它「唱衰」，就算當日的狀態許可，也得看心情，看mood才決定唱不唱。老實說，對自己唱出來的東西仍是有一份執着，希望用自己的風格，舒舒服服的唱出來。
踼波。
昨晚踢了一個多小時的波，一如之前所講，時不與我，又是一句「唔夠氣」。對足球已再沒有甚麼追求，自己知自己事，踢不到就是踼不到。有中同說，他平時會落街「的波」，OH MY GOD，而家比你的到識轉彎又如何﹖唔通可以踢甲組﹖而家踢波，比賽基本上唔駛預我，玩吓都要睇日子，輝哥唔好再逼我。有時真係打牌好過。
唱歌踢波，曾經是我的最愛，而家卻是兩種態度。歸根究底大概是兩個原因﹕「懶」、「爛」。
爛還爛 心未曾爛 爛還爛 不信肉眼
填飽最後晚餐 肉身也會腐爛 萬物溶爛 一念無限 曠世巨鑽 不過是炭 迷戀也大概可 海枯到石爛 JM
June 16 回歸回歸10週年專題特輯近日可說是舖天蓋地佔據生活的每一個空位，每日的整點新聞，各大報章不停報道回歸前後的中、英、港官僚對香港的感想，由「左口強」到賀維，陳左耳到戴維斯，外國媒體也找了戴卓爾夫人做了訪問。仍然未出台的就只有馬卓安和肥彭，基本上左中右全部跑了出來講感想。上星期媒體早有預謀聯合推出董建華專訪，看了之後再沒有03年那時的怒火。03年之彼中央再也不敢觸動香港人的神經，23條立法提也不敢提。
且說中方近日的言論，中央對香港有多關心，盡在那些高官口中吐了出來。「中央其實好關心香港」、「中央領導人時時把香港記在心中」等等醜陋的說話，叫人聽得既煩且厭。比較實際的事例是中央植速借出部份深圳機場，應付香港新機場出現混亂引起的空運癱瘓；沙士期間中央應董建華要求，動用外匯由國際市場為香港購買防護眼罩；回歸前中方向英方施壓，將外匯儲備提高至二百五十億，加上由中方管理的八百億外匯基金，香港才有足夠資金打大鱷云云。﹙下刪二千字﹚
為何中央對香港有特別的待遇，事實又是否真的如此﹖說起來這可能只昆對中國國力的一種展示，能信守中英聯合聲明本身，對中方而言已是一種成功。沒有89民運，鄧小平未必會改革開放國家，不將資本主義帶回中國，沒有人先富起來，中央又可有能力「關心」祖國﹖沒有香港同胞帶頭回國內投資，何來外匯賣眼罩﹖沒有深圳機場，恐怕死的是董建華、陳方安生而已；打大鱷，仍有人說這是破壞自由市場經濟的原則，令投資者失去信心。還有哪些人大釋法、假政改、程翔案等等，香港也為中央付出許多。
10年以來香港最大改變，並不是多了個新機場、也不是少了個天星皇后，而是香港人的心。香港人對國家、香港關心多了，也開始閞注自己的事。89民運過百萬市民上街聲援北京學生，沒有民主的香港人為別人爭民主，或多或少是恐懼中共97後對香港施展極權統治，其實是自私的行為。03年的反政府示威就不同了，那次是為了自已，為下一代而走上街頭，另一方面23條立法迫到埋身，應驗了89年的恐懼，再次上街，正好顯示香港人對自己的事愈來愈關心，原因很簡單，這是我們長大的地方。香港，已是民主相當成熟的地方。
哪有妓女為自已立牌坊﹖有些話不好說，說出來只會令自已蒙羞，明明是妓女，竟為自已立貞節牌坊；明明是極權政權統戰舉措，偏偏要為此塗脂抹粉。
JM
|
|
|||||||||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts
|
|
